hommane Admin
عدد الرسائل : 577 العمر : 46 تاريخ التسجيل : 16/01/2008
| موضوع: بلادي بلاد الحكرة و المزيرية الأحد يناير 18, 2009 7:58 pm | |
| [وحدهم المديرون لديهم صلاحيات معاينة هذا الرابط]
هذا حالك يا بلادي زين البلدان بلاد المغرب يا حنينة فيك الإنسان ناقص قيمة طاح شاننا بين القومان بلاد المغرب يا عزيزة فيك الميزان يوزن خيرنا شفنا آلاف الأطنان حوت وفواكه خضرة زيت أو أركان ملايين الهكتارات بين الويدان قطع الواد علينا جنانا عطشان لي كايحرث باجويجة كيفي جيعان لي كايحرث بالمواكن بايع شبعان أنا نزرع الشعير هو الورد والريحان هو يقري ولادو ف الميريكان ولدي كمل قرايتو أوشواه البرلمان
هذا حالك يا بلادي زينك فتان سياحتنا كا تستهلك الإنسان مرحبا ب للي جا وجاب شابات وشبان كايتسناوكوم فنادق وبيران عامرين راه يشري لي يعطي الثمن بيتروريال أورو درهم ودولار كولشيه يشروه في بلادي زين البلدان
هذا حالك يا بلادي فيك الإنسان ما مكسي ما مسبط عريان أو حفيان يتسب يتسلخ أو ياكلوه الحيتان فيك الشرف يتهان وتغتصب نسوان لي تسنيتهوم يحموني هرسوا البيبان دكدكوا السراجم علي سرقوا اللي كان علي جبدوا لفرادة شبعوني سبان عراو بنات وتحرشوا اختطفوا شبان فيك يا بلادي ما بقات قيمة للإنسان لمن نشكي ونعاود راني حيران
ف سيدي إيفني والصويرة إمزورن وزان صفرو أنفكو بومالن سوس أو بولمان كيف جدودنا الأولين عايشين ف المحن جوع وعطش وعراء نتسناو الإخوان لي مجبدين ومبرعين ف البرلمان والمجالس يفكروا تقدمات البلدان لي كرمت وعطات قيمة للإنسان بلادنا بقات اللور لا عيشة لا أمان
هذا حالك يا بلادي فيك الفنان يسعى وخيرو وخميرو داتو لبنان بوس الواوا وبارشا بيرات الغيوان حنا نسعاو ف لحلاقي وقدام البيران
هما يديو لملاير وكان لي كان[وحدهم المديرون لديهم صلاحيات معاينة هذا الرابط] | |
|
hommane Admin
عدد الرسائل : 577 العمر : 46 تاريخ التسجيل : 16/01/2008
| موضوع: رد: بلادي بلاد الحكرة و المزيرية الجمعة يوليو 17, 2009 6:58 pm | |
| بلادي بلاد الحكرة و المزيرية | |
|