الصحافة
زائرنا العزيز بالورد نستقبلك و نرحب بك في منتداك ادا كانت زيارتك ارجوك أن تسجل اسمك معنا من أجل الوصل و التواصل خطوات بسيطة و تحصل على اصدقاء جدد
الصحافة
زائرنا العزيز بالورد نستقبلك و نرحب بك في منتداك ادا كانت زيارتك ارجوك أن تسجل اسمك معنا من أجل الوصل و التواصل خطوات بسيطة و تحصل على اصدقاء جدد
الصحافة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الصحافة

الصحافة
 
الرئيسيةالبوابةأحدث الصورالتسجيلدخول
المواضيع الأخيرة
» قصيدة: شفتني
زجل لا تتردد أدخل Icon_minitimeالجمعة يونيو 20, 2014 10:20 pm من طرف hommane

» حمـَّام لكلام
زجل لا تتردد أدخل Icon_minitimeالإثنين أبريل 28, 2014 6:34 pm من طرف عمر الحسناوي

» أشكـــال تحريــر الخبــر الصحفــي/ القوالب الصحفية
زجل لا تتردد أدخل Icon_minitimeالثلاثاء ديسمبر 17, 2013 10:03 am من طرف Roaa Al-Terawi

» المقـال الإفتتــاحـي أو الافتتاحية
زجل لا تتردد أدخل Icon_minitimeالخميس نوفمبر 07, 2013 6:39 pm من طرف Amina labani

» كازا بلانكا***
زجل لا تتردد أدخل Icon_minitimeالأحد مارس 03, 2013 8:12 pm من طرف hommane

المواضيع الأكثر شعبية
خصــائص الربورتاج الصحــفي :
المقـال الإفتتــاحـي أو الافتتاحية
أنواع الصورة الصحفية:
دروس في التصوير الصحفي
أشكـــال تحريــر الخبــر الصحفــي/ القوالب الصحفية
الربورتــاج
طنجة في عهد الحماية
الحديث الصحفي أو المقابلة الصحفية أو الحوار أو الاستجواب
التحقيق :خطوات كتابة المقال :
تعريف الصحافة :
المتواجدون الآن ؟
ككل هناك 20 عُضو متصل حالياً :: 0 عضو مُسجل, 0 عُضو مُختفي و 20 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 236 بتاريخ الجمعة أبريل 22, 2011 1:06 am

 

 زجل لا تتردد أدخل

اذهب الى الأسفل 
2 مشترك
كاتب الموضوعرسالة
amal

amal


عدد الرسائل : 132
العمر : 37
تاريخ التسجيل : 17/01/2008

زجل لا تتردد أدخل Empty
مُساهمةموضوع: زجل لا تتردد أدخل   زجل لا تتردد أدخل Icon_minitimeالجمعة فبراير 08, 2008 11:10 pm

دنيا يا لمبكية لعيون

يا الساقية لجفون

الحاكرة المهموم

زايداه في النقوم

المفرحة المغبون

الماعندة المجنون

راك مغدي تدوم

في زمان اللوم

دنيا

كثرة فيك لهوال

وتقطعات لحبال

عوام ورى عوام

كثر فيك النوام

امحبتك ف المال

والخير فيك اقلال

اتكسرت لقلام

يا عش النمام

دنيا

دوارة صغيرة

والعيشة فيك امريرة

قرية ذليلة

والحقوق فيك اعليلة

ك السم في لخميرة

واليد فيها الجبير

سولوا كل اقبيلة

الرحمة فيك اقليلة

يا دنيا



عيق فيق، نوض يا نْعْسان
آش بيك؟ مالك يا إنسان
آش هاد الحال أ عريبان
يا لِّي على الأطلال عيشان
حلم الوحدة كان زمان

وحدة تلونت و شبعت لوان
بلون حرية غربي طمعان
بجور قمار، عسكري سكران
بشراكة شرقي دار عليه الزمان
حلم الوحدة كان زمان

خبز العربي ينبت فالسودان
نفط العربي.. مخزون فكاذا بلدان
و ماء العربي..؟
.. ما ناقصيناش الويدان
سلاح العربي..؟
نسولك منين جا لفلان و فلان
.. وعلى كل حال، حلم الوحدة كان زمان

في النضال قراع الراس و طاحو السْنان
مات الشعب، قهرو الشبعان
العربي مهزوم، جاهل و فْنْيان
الجِّيعان، آش خصك أ الجِّيعان؟
الرياضة، التشكيل و ف كل مدينة مهرجان
حلم العدل كان زمان


يْشِيطُو الْكْلابْ


نبتة صار الغش عَنْدْنا زْرِيعَة بــــــــَدْرَة
والاصوات إيلَى تكلمتْ تعـــويكة لـــْديــابْ

ودياب حومتنا: جرة مجرورة جــــــــــرة
واللي حك يصيب يا صحابي عجب العُجابْ

بألــفْ نغمة كلامهم، بألـف نبــــــــــــــرة
شقشقة تمويهْ والدماغ فــريسة لْــنْيـَــــــــابْ

هاذ المخلوقات عاملة فْ كليبي جمــــــرة
شُعلة شعالة لهيبها ينطح السـحـــــــــــــــابْ

كمامْر منزُوعــة ونمرة تنسيك فْ نمـــرة
الواجهة أوعدي عامرة بنماذجْ صعــــــــابْ

ولا فيهم اللي تقـــول: هذا تعـلم وقْـــــــرَا
تهذب وتأدب واستقام ومشى فالصــــــتوابْ

ولا كان عْمْلنا من الدياب شي واحد عبرة
كشفناه، عريناه، كيف عرانا يالحبــــــــتــابْ

لو كان كلابنا .ديابنا. أساتيذ محضـــــــــــــــرةْ
عفًّوا. بالإكــراه تـــابوا. يا نعـم التـــــــــــــــوابْ

باعونا -يا ربي- ديابنا حسبونا بكــــــــــــــرة
فرسونا. والضمير غاب اعْـــلْن لْنْسِحَـــــــابْ

قساة، وعصاة، ومْراض مرضْ اللا يبــــــــــــرْا
ولا فيهم اللي تقـول: هذا ماشي كــــــذابْ

أو يحطْ يْدُّه. وما يطيَّرْ حتى هبــــــــــــــــــرة
ويحنْ على البلاد أو يشفقْ يخشى لْحساب

لْقْنافْدْ كُلْها مْشْوْكَة والدّْبِيحَة دْبْــــــــــرَة
جُرْحْ كْبِير عميقْ مالْقـــى للشّْفَـا اسْبَـابْ

الشعار والاقوال والسحاسح مع الغبــرة
ودَرْ الرمادْ فْ العيونْ والقلــــــوبْ "غــــــرابْ"

الخطفة والشر والخبث وابشع نعــــرة
بلعوا ما شبعوا. جوعــونا وقــالو : مكتـابْ

هاذ النماذجْ عندنا عائق وعتـــــــــــرة
ترعة يا وعدي مترعــــة وعرقلة لحبـــابْ


قواوْ أربي صْحاب الْقوالبْ فْ الهَــــــدْرَة
حْسْبْتْ وحسبت حتى عْيِيتْ،
وتْدْرْدْبْ لِي لْحسابْ


يْسرقوا ويْنْبحُوا كلابنا، وبقشور الْهـــــدْرة
يْنْحْتُوا نعوت لصنــــام و يْخْلقُوا ألقــــابْ

وحتى إيلَى رْجْمنا كل كلب بحجـــــــــــــرة
يتقاضى الحجر من الأرض ويْشيطُـــوا لْكـلابْ

وباب التـوبــة يـا العالي مولـى القدرة
دِيمَا مْفْتوحة فْ وْجَهْ اللـي آب وتــــابْ


وكيف يمكن يتوب من جْلْبْ وجذبْ فْ الحضرة
وْوَالْــف يِْعـيشْ كِالْحْبْل سْلسلَة على الرْقابْ




هادشي ماشي معقول
الحياة ولاٌت كلها مسمومة
العدو فالحقد و الحسد مجحوم
الصاحب ناسي راسو كَيهوم
و القريب على همومو كيحوم

ها الدنيا صعيبة
اللي مترباش مع الدياب, يعوم فيها
بلا صبر و بلا عزيمة
الموج يديه الهيهَة
بعيد على دينو, على اخلاقو و على حبابو
يجرب الوحدة

يتخيل لوكان البحر رملة
لاقوارب ,لاموت و لا حرٌاكة
لوكانت الرملة زرع
لا جوع, لا مرض ولا اطفال تايهة
لوكان الزرع قطرة
لا عطش, لا جفاف ولا قهرة
لو كانت القطرة حب
لا حروب, لاكدوب ولا غدٌارة

يفيق من الحلم وهو تايه
ضايرين به وحوش جيعانة

سلٌم امرك لله و كبر ايمانك
مع الناس حسٌن اخلاقك
مع العدو بيٌن ذكائك
عمل و خدم و كبر طموحك
إلا بغيتي تحقق احلامك



صبر يا قلبي و زد في الصبر
الحب و الهيام علينا مقدر
و الحبيب منين يغدر
ما ليك معاه غير الصبر

قالو لجواد زمان
لي يبغيك بزاف بغيه شوية
و لي يبغيك شوية؛
ما تبغيه لا بزاف ولا شوية
قلبي خداتو اللي غدرت بيَّ
نسيت لجواد، تبليت و قتلتني البلية
... البلية
كلها باش بلاتو الدنية
شي بالآخرة و شي غير بالدنية
وشي غير ينقز من دريه لدرية
... حتى يحصل
وحيت يحصل، يمسحها فْ البليه

صبر يا قلبي و زد في الصبر
الحبيب لِّي بغيتو عطاني بالظهر
نسى الليالي و العشرة و نكر
والحبيب حبيب
و ماليك معاه غير الصبر



تعيش لي تعيش يا والدي
حتى نرد الدين اللي عندي
أنتا بويا أنتا سعدى
نهار فرحتك يا بويا هو عيدي

تعيشي لي تعيشي يا يا يومة
حتى نمسح من قلبي اللومة
معاك فهمت سر هاد الكلمة
يوم تتبسمي نعوم فالفرحة عومة

نعوض ليك يا يوبا الوقت اللي ضاع
ما ننساش يا يومة سوايع الرضاع
رضاكم علية حق مانيش طماع
وربي يا والدية وقتكم لا ضاع
ومصير الزمان اللي ولى يرجع


شَمعــة مجـرُوحَــة


فِـي عْشِيَّهْ رَايْقَهْ زَارْنِــي بَاكِــي
دْمُوعُـو فْ خَـدُّو وْلْسَانُو شَاكِــي

شْهِيقُــو حْنِيـوَنْ، وْهُـوَ يَبْكِــي
قَطَّــعْ قَلْبِــي وَبْـدَا يَحْكِـــي

شُنُّـو جْـرَى لُو وْشُنُّـو وْقَعْ لُـــو

كَانَـتْ فُجْـأَهْ وْكَانَـتْ صَدْمَــــهْ
لَمَّـا جَـانِـي بِـدُونْ بَسْمَــــهْ

هَــذِي مُـدَّهْ وَاحْنَـا فْ نِعْمَـــهْ
وَالْيُــومْ جَانِـي بْهَــذْ الصَّدْمَـهْ

وقَالِّــي مَـا جْـرَى وَاللِّي طْرَالُـو

كَـانْ كَيَقْطَـفْ لِيَّـا مَشْمُـــــومْ
بَـاشْ يَهْدِيـهْ لِي فِي هَذَا الْيُــومْ

وَالْـوَرْدْ مَحْبُـوبْ مَشِـي مَشْــؤُومْ
لَكِـنْ يَظْهَــرْ شُوكُـو مَسْمُـومْ

جَرْحُـو فْ صَبْعُـو وَشْطَـنْ بَالُــو

أصْبَاعُــو شُمُـوعْ مَرْمَرِيَّـــــهْ
أظْفَارْهَــا ضَاوْيَـهْ كِالْعَشِيَّــهْ

والشَّاهِـدْ مَجْــرُوحْ أَثَّـرْ فِيَّـــا
مْنَاقِــصْ مْ الْـوَرْدْ وَالْهَدِيَّــهْ

كْفَانِـي صَحْتُــو وْرَاحَـةْ بَالُـــو

وْكَانَـتْ جَرْحَـهْ بْسِيطَـهْ فْ يِــدُّو
لَكِـنْ هِـيَ كْبِيــرَهْ عَنْـــدُو !

َخلَّـتْ نَارْهَـا فْ يِــدُّووْخَـــدُّو
يَارِيــتْ كَانَـتْ فِي قَلْـبْ الْعْـدُو

عَــزّْ عْلِــيَّ آشْ نَعْمَــلْ لُــو

مَا يَسْهَلْشِـي خَبْشَــهْ وَاحْــــدَهْ
أوْ نَفْخَـه دْ الرِّيــحْ وَلَـوْ بَـارْدَهْ

عْــلاَشْ بْنَفْسُــو هُــــوَ وَرْدَهْ
لَكِـنْ بَيْضَـا وَعْيُونْهَــا سَــوْدَا

وفْ خَدْهَـــا خَــالْ وَلاَ مَثْلُــو

مْسَحْـتْ دَمْعُــو وَلْحَسْـتْ دَمُّــو
مْحَلَّـلْ مْحَــرَّمْ مَا كَنْفَهْمُــــو

المُهـــمْ عَنْــدِي نْخَفَّـفْ هَمُّـو
بْعَيْنِــي نَفْدِيـهْ فْ قَلْبِي نْضُمُّــو

وَسْكَــنْ رَوْعُــو وَاهْـدَا حَالُــو

وْشَرْقَــتْ شَمْسُــو وَضَـوَّا لِيلُـو

شكر خاص للأخ الزجال الكامل مراد النايمي الغيواني [/td][/size]
[
الرجوع الى أعلى الصفحة اذهب الى الأسفل
r_layla




عدد الرسائل : 12
العمر : 38
تاريخ التسجيل : 07/03/2008

زجل لا تتردد أدخل Empty
مُساهمةموضوع: رد: زجل لا تتردد أدخل   زجل لا تتردد أدخل Icon_minitimeالثلاثاء مايو 06, 2008 3:13 pm

من فضلك:في الدنيا بياض لو بحثت عنه لوجدته .أقترح ان تغير هذه العتمة بلون آخر أكتر إشراقا (لأن لون الشاشة يسد النفس )
الرجوع الى أعلى الصفحة اذهب الى الأسفل
 
زجل لا تتردد أدخل
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
الصحافة  :: ركن فيض القلم-
انتقل الى: